منتدى الفرح المسيحى - كفاية تسيب إيده تمشيك

https://upload.chjoy.com/uploads/172799374654921.jpg

في لحظة معينة…
بتتعب، مش من الموقف نفسه،
لكن من محاولاتك الرهيبة إنك تمسك زمام كل حاجة.
تبقى عايز تتحكم، تظبط، تحل، تفهم…
بس تكتشف إنك بتغرق أكتر،
واللي بتحاول تبنيه بإيدك، بيقع كل شوية!

وكل مرة تقول: “المرة دي هعرف أعدّي!”
بس في الآخر تلاقي نفسك راجع لنفس النقطة!!

لحد ما توصل لنقطة الصِفر…
وتهمس بكلمة طلعت من قلب مكسور:
“يا رب، أنا مش قادر… خد إنت.”

والمعجزة بقى مش إن الحل جه فورًا،
لكن إنك لأول مرة تحس إنك مرتاح،
حتى لو مافيش حاجة اتغيّرت بره.
جواك حاجة هديت… قلبك اتسند.

ساعتها بس تفهم معنى الآية مش ككلمات محفوظة،
لكن كحقيقة عشتها بنفسك..
“سَلِّمْ لِلرَّبِّ طَرِيقَكَ، وَاتَّكِلْ عَلَيْهِ، وَهُوَ يُجْرِي.”مزمور ٣٧: ٥

مش محتاج تكون قوي علشان الأمور تمشي،
كفاية تسيب إيده تمشيك..💜🙏