منتدى الفرح المسيحى - أنا محتاجلك أوي المرادي يا رب

https://upload.chjoy.com/uploads/174172552639141.jpg

يارب، المرادي مش عارف أتصرف…
مش عارف أُخطّط، ولا أظبطها، ولا أمشيها بأي طريقة…
اللي حواليا مِقفّل، واللي جوايا محتار.
بس انت يا رب،
اللي فتحت بحر قدام شعبك،
وطلّعت ميّه من صخرة،
وعملت من المستحيل بداية جديدة.
أنا مش طالب غير إنك تكمّل معايا…
افتحلي طريق حتى لو مفيش باب،
وسهّل الصعب حتى لو كل حاجة باينة معقدة،
حلّها من عندك، زي ما دايمًا بتعمل لما بندعيلك من قلبنا.
أنا محتاجلك أوي المرادي يا رب،
محتاج رحمتك، تدبيرك،
وهدوءك اللي بيطمن قلبي لما الدنيا تتقل.