منتدى الفرح المسيحى - من أجمل أشكال العوض

من أجمل أشكال العوض،
لما تلاقي نفسك بتصحى من غفلة كانت مطفية نورك،
وتفوق فجأة على حقيقة كنت ناسيها:
“أنا ليّا قيمة… وليّا مكانة… وليّا رب شايفني طول الوقت”.
أحلى عوض مش دايمًا في ناس بترجع،
ولا في فرص بتتصلح،
أحيانًا بيكون في إنك ترجع تحب نفسك من تاني…
ترجع تشوف قد إيه انت غالي، حتى لو الكل نسي.
ترجع تفتكر إنك اتكسرت عشان تنضج،
واتظلمت عشان تتعلم،
واتسحبت منك حاجات،
بس ما انسحبتش منك قيمتك الحقيقية قدّام السما.
اللي فوق شايف،
ولما يسمحلك تفوق وتعرف مين انت بجد،
اعرف إنه عِوض، بس مش أي عِوض…
ده أعظم وأعمق عِوض.