منتدى الفرح المسيحى - ربّ الرحمة والتأنّي والطبطبة اللي مبتنتهيش

https://upload.chjoy.com/uploads/174142961846511.jpg

شكرًا لأنك مش بتحطني تحت ضغط الوقت…
ولا بتقولّي “قدامك أسبوع” ولا “فرصتك الأخيرة”…
إنت مش رب الـDeadline،
إنت ربّ الرحمة والتأنّي والطبطبة اللي مبتنتهيش.

إنت الوحيد اللي بتعرف إن النُضج بياخد وقت،
وإن الشفاء مش بييجي بمعاد،
وإن الرجوع ليك ممكن يحصل بعد ألف غلطة.

شكرًا لأنك دايمًا بتستنى،
وبتحب،
وبتدي فرصة تانية… وعاشرة… وبلا عدد.