|
صلّوا عشان الناس دي
في ناس كتير حوالينا بيبان عليهم الهدوء… وشّهم عادي، صوتهم ثابت، وكلامهم مطمن. بس الحقيقة؟ جواهم زحمة… أفكار بتدوّي، ووجع ساكت، وحكايات ما اتقالتش. في ناس بتختار ما تحكيش، مش علشان مش موجوعة، لكن علشان اتكسرت قبل كده لما حكت… فاختارت تبقى ساكتة، وتبتسم. صلّوا عشان الناس دي… اللي بتضحك في وشك وهي جوّاها بتنهار، اللي بتهون عليك وهم مش قادرين يهونوا على نفسهم. اللي مش بيطلبوا حاجة، بس في قلبهم صلاة صامتة بتقول: “يارب طبطب عليّا”. صلّوا… لأن الدعوة اللي بتطلع من قلبكم، ممكن تكون سبب راحة لحد تعبان بقاله كتير. |
رد: صلّوا عشان الناس دي
بارك يارب كل شعبك المظلوم انصفه والمحتاج سدد كل أحتياجاتة ظلل يارب بسترك ومظلتك علي كل شعبك فليس لنا غيرك ملجأ ومعين يا إلهي أمين الرب يباركك ويفرح قلبك |
| الساعة الآن 12:38 PM |
Powered by vBulletin® Copyright ©2000 - 2025