منتدى الفرح المسيحى - بلاش تتوقع لانك هاتتعب

هَلْ يَجْتَنُونَ مِنَ الشَّوْكِ عِنَبًا، أَوْ مِنَ الْحَسَكِ تِينًا؟ (متي١٦:٧)
متوقع اذاي ان شوك يديك عنب
متوقع اذاي ان الحسك( ماليان شوك) يديك تينا
أصعب حاجه في الحياه انك تتوقع ثمر من قلب صعب يديلك ده
مهما انت زرعت وسقيت
مهما انت عملت كل اللي في قلبك
وتوقعت تقدير معين
حب معين
اهتمام معين
صعب مش هاتلاقي
وساعتها هاتشوف ان اقل حاجه هاتبقي اهم منك عند القلوب دي
بلاش تتوقع من الشوك ثمر
وبلاش تطلب من القلوب دي تعملك اللي كنت متوقعه لان القلوب دي ماتقدرش
زي ما الكتاب قال
لاَ تَقْدِرُ شَجَرَةٌ جَيِّدَةٌ أَنْ تَصْنَعَ أَثْمَارًا رَدِيَّةً،
وَلاَ شَجَرَةٌ رَدِيَّةٌ أَنْ تَصْنَعَ أَثْمَارًا جَيِّدَةً. (متي١٨:٧)
الكتاب واضح قال (لا تقدر) مش هاتقدر تديك
اللي متوقعه هو اصل شجره قلوبهم كده
قلبهم مش هايقدر يديلك لان اصل قلبهم
مافيهوش ارض خصبه لتوقعاتك
بلاش تتوقع لانك هاتتعب

ابونا جوناثان رفعت