منتدى الفرح المسيحى - احمينا من كل حريق

يارب، إحنا مش بس بندعيلك، إحنا بنستغيث بيك…
احمينا من حر الأيام وسخونة الظروف،
احمينا من النار اللي بره واللي جوانا،
من حر أغسطس، ومن لهب القلوب اللي مش لاقية راحة.

يارب إحنا في وقت صعب، والدنيا ولّعت نار…
ناس بتشتكي من الجو، وناس بتشتكي من جوّاها.
بس إنت الإله اللي مطفّي النيران،
اللي مع شعبه في الأتون، واللي قال: “لا تُحرقك النار”.

احمينا من كل حريق،
حريق الجو، وحريق الغضب، وحريق الحزن…
وخلي ظلّك هو اللي علينا، ونورك هو اللي جوانا.