منتدى الفرح المسيحى - أتمسكن لحد ما أتمكن

"أتمسكن لحد ما أتمكن"
ودا اللي عملته يا يعقوب، من أول ما استغليت فرصة،
إن أخوك عيسو رجع تعبان وجعان،
وخدعته بطبق عدس 🥣، وخدت البكورية منه!

وبعدها، دخلت على أبوك إسحاق، خدعته
وكذبت عليه، وقلت له إنك عيسو 😔
عشان تاخد البركة.
ورغم إنك نجحت في التمثيلية 🎭،
الشهور عدّت، وجات الأيام…
واتقلبت الآية!
اتخدعت من خالك لابان،
ولما كنت عايز تتجوز راحيل 💍،
لقيت نفسك متجوز ليئة 💔

للأسف، الطرق الغير مستقيمة مليانة خداع ومرارة 🕳️
ومش كل واحد "يتمسكن" يقدر "يتمكن"،
وحتى لو "أتمكن" ووصل للي هو عايزه، لكن بطرق مش بترضي الرب…
ودي مش شطارة، الاسم الحقيقي هو "عدم أمانة" ❌

لازم نتعلم إن الاستقامة هي الطريق الحقيقي للنجاح
، حتى لو مُجهِد وطويل 🛤️

والكتاب المقدس قال:📖
"ٱسْتِقَامَةُ ٱلْمُسْتَقِيمِينَ تَهْدِيهِمْ، أَمَّا ٱعْوِجَاجُ ٱلْغَادِرِينَ فَيُخْرِبُهُمْ."
(أمثال ١١: ٣)

الاستقامة والصراحة هما الطريق اللي يقودنا للبركة الحقيقية ✨
حتى لو كل اللي حواليك ماشيين بمثل:
"أتمسكن لحد ما أتمكن"
إنت خليك دايمًا مستقيم في خطواتك وطرقك 🚶🏻‍♂️،
وهتلاقي النجاح… من غير خداع..

تيتة_قالتلي