منتدى الفرح المسيحى - أنت الظل اللي ما بيخلصش

https://upload.chjoy.com/uploads/170801144002381.jpg

يارب في حر الصيف اللي بيكوي الجلد والروح،
في تعب الأيام، في العرق،
في الضغوط اللي زيها زي الشمس مش بترحم…
بنرفع عينينا ليك.
يارب لكل واحد موجوع من الحرارة، من الزحمة، من الخنقة،
من التفكير اللي مابيهدأش حتى في عز الحر…
ارسل له نسمة هوا.
تبرد قلبه، وتريح عقله.
يارب، خفف عن اللي بيشتغل وسط الشمس،
عن اللي ملوش تكييف غير رحمتك،
عن اللي بيعدي الأيام دي بمية ساقعة ودموع مدارية.
إديهم راحة، ونسمة سلام.
إديهم أمل حتى في عز الحر والضيق…
لأنك أنت الظل اللي ما بيخلصش،
والماء الحي اللي بيروي القلب.
آمين.