منتدى الفرح المسيحى - في كل فوضى فيه إيد إلهي بتلمّني

https://upload.chjoy.com/uploads/174059629069191.jpg

أنا مش محظوظ علشان عندي كتير…
ولا علشان حياتي ماشية زي ما كنت مخطط،
أنا محظوظ علشان عندي إله كبير،
بيرعاني في سكتي، وبيسندني لما أقع،
وبيفتحلي أبواب وأنا مش شايف غير الحيطان.

اللي يطمن قلبي مش رصيد في البنك،
ولا مكانة وسط الناس…
اللي يطمنّي هو وعده،
إنه عمره ما هيسيبني، وإنه شايلني بعينه.

أنا ممتن، مش علشان كل حاجة مثالية،
لكن علشان في كل فوضى… فيه إيد إلهي بتلمّني.