منتدى الفرح المسيحى - أنت الوحيد اللي بيسمعني من غير موعد

https://upload.chjoy.com/uploads/173477381162591.jpg

يا إلهي…
أنت الوحيد اللي بيسمعني من غير موعد،
وبيفهمني من غير ما أشرح،
ويعذرني حتى وأنا مش قادر أبرّر اخطائي.

ولما الناس تنشغل عني ،
وتبخل عليّ حتى بوقتهم …
حضنك بيكون مفتوح لي دايماً

لما الكل يحكم عليا ،
ويشيلوا عليّا أحجار إدانتهم،
أنت بتسامح،
وبتطبطب،
وبتشيل عني وجعي من غير سؤال.

لما أصحاب المصالح يهربوا،
وأقرب الناس ينسوني…
أنت بتقرب،
وتراضيني…
وتهتم بمشاعري، مهما كانت بسيطة.

‏شكرًا يا رب على محبتك اللي مش بتتغيّر،
وعلى رعايتك اللي دايمًا سابقة الكل