منتدى الفرح المسيحى - سألوني بتحب خلفة البنات

سألوني: بتحب خلقة البنات؟
قلت لهم: لا… أنا بـ”دوب” فيهم!

لو ربنا رزقني ببنت،
مش هتبقى مجرد بنت…
هتبقى النسخة الصغيرة من قلبي،
ضحكتها تهون تعبي، ولمستها تشيل همي.

هتبقى أول واحدة بتجري عليّا وأنا راجع من الشغل،
تفتحلي الباب وتصرخ: “بابا جه !”
هيكون حضنها… أغلى من أي راحة في الدنيا.

لما أكون زعلان،
هتيجي تقعد جنبي، وتسند راسها على كتفي،
وتقولي: “مالك؟ إحكيلي.”
وأنا اللي المفروض أكون سندها،
ألاقيها هي الحضن اللي بيهديني .

كل رسمة ترسمها هتكون ليّ،
وكل طبخة أول مرة تعملها، هتجربها عليّ.
وكل فستان جديد هتلبسه… لازم تاخد رأيي فيه الأول.

وفي يوم من الأيام…
لما تكبر وتقوللي: “في حد في حياتي يا بابا”،
هسكت…
مش لأني مش راضي،
بس لأني مش قادر أتخيل إن فيه حد في الدنيا
يستاهل البنت دي غيري