منتدى الفرح المسيحى - كنت في يوم طفل صغير

كلمات ترنيمة كنت في يوم طفل صغير

1- كنت فى يوم طفل صغير عايش مع امى مسرور
(وفرحان وسعيد ولد مطيع مش مغرور)2

ق : (فرحان لية انا فرحان لية مسرور لية انا مسرور لية
دايسوع دايما عينة عليا دايما باشبع من ايدية)2

2- شفت الناس متجمعين ولكلام يسوع سامعين
(شلت السلة وفيها العيش وسمكتين صغيرين)2

3- رحت بسرعة عند يسوع لقيتة بين الجموع
(بيقول حكايات وامثال والناس بترنم بخشوع) 2

4- بعد شوية اللى قاعدين حسوا انهم جعانين
(قالوا ياترى نجيب منين دا الاكل هنا مستحيل) 2

5- خدت السلة اللى معايا فيها الاكل وفيها العيش
(رحت وقلت لربى يسوع غير الاكل دا مفيش) 2

6- بارك يسوع بين ايدية الخبزات والسمكتين
(والكل قاعد بنظام ويسوع وزع الطعام)2

7- شفتوا ازاى يقدر يسوع يشبع كل الجموع
(من خمس خبزات شعير وسمكتين صغيرين)2