منتدى الفرح المسيحى - عضة أسد ولا نظرة حسد

إتقرصت من نحلة 🐝
بعد يوم كان عندي فيه خدمه وكان الرب باركني فيها
ببركة أنا ماستحقهاش 😇
أول حاجة قلتها وأنا بضحك أصلي اتحسدت😂
وكل اللي معايّ قالوا لي إتحسدتي إنتي
بعد خدمة إمبارح (طبعًا كنا بنهرج 😄)
بس الحقيقة في ناس كتير بتصدق في الحسد
وتدارى على شمعتها عشان تقيد وناس تقولك..
"عضة أسد ولا نظرة حسد "..🦁 ❌👁️
ونشوف ناس بتستخدم الكف🖐️والعين الزرقا🧿
وحاجات تانية أكيد جات في دماغك دلوقتي🤦🏼‍♀️🫢

الحسد ببساطة يعني تمني زوال النعمة من الآخر
وإني أخدها وأمتلكها...
يعنى شفت حد عنده عربية حلوة أتمنى تبقى عندي
ومش بس كده لأ، دي تزول من عنده هو كمان 🚗🧐☹️

حتى لو إنت بتقول أنا مش بحسد
لكن بتخاف من الحسد ومش بتحب تتكلم
عن حاجات عندك عشان خايف لتروح منك ..🤐🤫

عايزة اشجعك بالكلمات دي 📖 ‫
أَنْتُمُ الَّذِينَ بِقُوَّةِ اللهِ مَحْرُوسُونَ (١ بطرس ١: ٥)
اَلرَّبُّ نُورِي وَخَلاَصِي، مِمَّنْ أَخَافُ؟ الرَّبُّ حِصْنُ حَيَاتِي، مِمَّنْ أَرْتَعِبُ؟ (المزامير ٢٧: ١)

هل الله عاجز أنه يحفظك؟
هل الله عاجز أنه يحمي ممتلكاتك؟
هل عين إنسان أقوى من يد الرب لحمايتك؟
إسأل نفسك الأسئلة دي، وثق أن منه وبه
وله كل الأشياء ضابط الكل .... اعلنها مَاذَا يَصْنَعُ بِي إِنْسَانٌ؟

إذا خفت من حسد بشر، فالله خارج المشهد تمامًا
..أما إذا أعلنت وآمنت بحماية الرب لن يقترب إليك الشر
، لاَ تَدْنُو ضَرْبَةٌ مِنْ خَيْمَتِكَ.

ضع نفسك ..ضع بيتك .
..ضع ممتلكاتك أمام الرب وإعلن حمايته
وإعلن إنه سور من نار حولك وحول كل مالك 🔥😇
تيتة_قالتلي