منتدى الفرح المسيحى - هو الوحيد اللي حضنه بيريّحك من غير سؤال

https://upload.chjoy.com/uploads/174259028390321.jpg

في لحظات معينة…
مهما شرحت، ومهما حكيت، ومهما بكيت…
مفيش حد هيفهمك.
في مواقف بتحس فيها إنك لو اتكلمت ألف مرة،
اللي حواليك مش هيحسوا بنص اللي جواك.
ساعات الألم بيبقى أعمق من الوصف،
والخوف أكبر من الكلام،
والاحتياج مش مفهوم حتى ليك.
لكن في اللحظة دي بالذات…
ربنا بيبقى “الوحيد” اللي سامعك من غير ما تتكلم،
وفاهمك من غير ما تشرح،
وحاسس بيك أكتر من نفسك.
هو أقرب من كل اللي حواليك،
وأحن من كل اللي كانوا معاك،
وهو الوحيد اللي حضنه بيريّحك من غير سؤال.