منتدى الفرح المسيحى - احكي له لأنه الوحيد اللي هيفهمك من أول تنهيدة

https://upload.chjoy.com/uploads/174228405722291.jpg

احكي لربنا…
من غير ما ترتّب كلامك،
ولا تلمّع الجُمل،
ولا تشرح بالتفصيل.

هو مش زي الناس اللي يقولولك: “مش فاهم قصدك!”
ولا هيطلب منك توضح أكتر،
ولا هيقاطعك علشان يحكي هو عن نفسه.

احكي…
بدموعك،
بسكوتك،
بأنينك اللي مالوش صوت…
لأنه بيسمع اللي القلب مش قادر ينطقه،
وبيفهم حتى الزفرة اللي بتطلع من صدرك
وأنت مش عارف تقول إيه.

هو “أب” مش بيمل من تكرارك،
ولا بيزهق من شكواك،
ولا بيحتقرك علشان ضعفت تاني.

احكي له… لأنه الوحيد اللي هيفهمك من أول تنهيدة.