منتدى الفرح المسيحى - خليك واضح ومتوجعش قلب استأمنك عليه

يعني إيه أمانة في العلاقات؟

الأمانة مش بس إنك متكدبش…
الأمانة إنك تكون واضح، حتى لو الصراحة مش سهلة.
بس وانت بتحاول تكون صريح تكون رحيم وتختار كلماتك

الأمانه إن لو الآخر كشفلك عن ضعفه تستره بنظرتك
وبطريقة كلامك مش بس إنك متتكلمش عنه من وراه

إنك متوعدش بحاجة إنت مش ناوي تلتزم بيها
علشان فيه ناس بتتوجع بعدها
متديش الأمل لشخص وفجأة تسحبه

الأمانة هي إنك تكون صادق في حضورك، في نيتك،
في محبتك، وفي قرارك بالاستمرار أو الانسحاب.

العلاقات مش بتهتز بسبب الخلافات…
العلاقات بتنهار لما تختفي الأمانة
ويتحول اللي بينا لتمثيل أو مجاملة أو تهرب،
خليك واضح ومتوجعش قلب استأمنك عليه.