منتدى الفرح المسيحى - اللي اتلسع من الشُربة بينفخ في الزبادي😐

ماهو اللي اتلسع من الشُربة، بينفخ في الزبادي😐
اللي اتخان… بيشك في الكل
واللي اتوجع… بيهرب من أي بداية
بس خلي بالك:
الخوف بيحميك؟ ولا بيحبسك؟💁‍♂️
والسؤال الحقيقي:
هو ربنا عايزك تعيش خايف طول الوقت؟

الرب يسوع قالها بصراحة:
«كُونُوا حُكَمَاءَ كَالْحَيَّاتِ وَبُسَطَاءَ كَالْحَمَامِ. (متى ١٠: ١٦)📖
يعني تكون قلبك نقي… بس عقلك صاحي👍
فيه فرق بين الحذر…
وبين إنك تبني سور حوالين كل حد.
فيه فرق بين الحكمة، وبين إنك تبقى عبد للشك.

اتلسعت؟ اتوجعت؟ طبيعي.
بس ما تزنقش نفسك جوّه الجُرح.
عيش بحرية واطلب من الرب يديك حكمة تمشي بيها
، مش فوبيا تعيش بيها👌