منتدى الفرح المسيحى - عيش اللحظة دي في حضنه

https://upload.chjoy.com/uploads/173722563422431.jpg

قلقك دايمًا يا إما جاي من حاجة حصلت…
يا إما من حاجة خايف تحصل.

بتفكر في اللي اتقال، واللي خسرته، واللي ندمان عليه،
أو بتتوقع الأسوأ، وبتعيش في سيناريوهات
ما حصلتش ولسه مش معروف هتحصل ولا لأ.

بس الحقيقة؟
ولا الماضي موجود… ولا المستقبل جيه.
اللي موجود دلوقتي… هو “دلوقتي”.
والحظة دي هي الوحيدة اللي تقدر تتحكم فيها
، وتعيشها، وتستمتع بيها، وتسلّمها لربنا.

ربنا ما خلقكش علشان تفضل محبوس في حاجة راحت،
ولا علشان تحرق أعصابك على حاجة لسه ما وصلتلكش.
هو موجود دلوقتي… ونعمتُه كمان دلوقتي… وسلامه كمان دلوقتي.

سيب اللي فات في رحمته،
واللي جاي في حكمته،
وعيش اللحظة دي في حضنه.