منتدى الفرح المسيحى - العذراء تبقى امى ديمآ بتشفع عنى

https://upload.chjoy.com/uploads/174990808989791.jpg

العذراء تبقى امى
ديمآ بتشفع عنى
نورها بيجرى فى دمى
نورها أحلى الانوار

امى وبفتخر بيها
ما فيش أبدآ زييها
بتشفع ديمآ بيها
بتشفع ليل ونهار

امى دى تبقى العدراء
امى دى السيره العطره
ست البنات النادره
زينة الابكار

امى بتيجي وتظهر
على القبه فوق وتنور
وبنعمة ربنا تقدر
تفرح جميع الأعمار

امى اصيله فى حياتها
وجميله فى ظهوراتها
وقويه فى معجزاتها
وشفيعه لنا باستمرار

امى دى رافعه راسنا
وسط أهلنا وناسنا
صلواتها بتحرسنا
من كيد الاشرار

شفاعتك يا امى معانا
عند يسوع اللى فادنا
يسامحنا على خطايانا
و ينجينا من الاخطار