منتدى الفرح المسيحى - ماتسيبش لحد الزمبلك ♥️🤚

الزمبلك 👇
كان فى لعبه زمان بنفضل نملاها بزمبلك كده على جنب
.. و نفضل نلف كده فى الزمبلك ده
عشان نشحن اللعبه دى و نقوم سايبين اللعبه
تقوم تتحرك لوحدها ... 🥸
فى ناس موهوبه فى أنها تشحنك بكلام سلبى
من ناحية ناس تانيين .. حد ييجى كده يقعد جنبك
و يملأ ودانك بكلام عن حد تانى
انت ماشوفتش منه اى حاجه وحشه ..
و يفضل يلف الزمبلك و يشحنك من ناحيته
على الآخر و يقوم سايبك فالطاقه السلبيه
دى تلقاها بتحركك لوحدك 🤦
تشوف الشخص اللى اتشحنت من ناحيته فتعاديه بدون اسباب
و تلاقى نفسك بتردد الكلام اللى اتقالك عنه ..
ف ييجى حد يسألك انت اتعاملت معاه أصلاً ؟!
تقوم انت بتلقائية شديدة تقول :
ولا عاوز اتعامل معاه .
. لو اديت نفسك فرصه لحظة تفكر
مش هتلاقى معنى لمشاعرك السلبية من ناحيته
غير انك سلمت ودانك و قلبك لكلام غير أمين ❤️‍🔥
شوف كده الآيتين دول 👇
لاَ تَخْتَرِعْ شَرًّا عَلَى صَاحِبِكَ، وَهُوَ سَاكِنٌ لَدَيْكَ آمِنًا.
لاَ تُخَاصِمْ إِنْسَانًا بِدُونِ سَبَبٍ، إِنْ لَمْ يَكُنْ قَدْ صَنَعَ مَعَكَ شَرًّا.
( سفر أمثال سليمان 30-29 : 3 )
ماتسيبش_لحد_الزمبلك ♥️🤚