منتدى الفرح المسيحى - علمتني أثق فيك حتى وأنا مش فاهمك

https://upload.chjoy.com/uploads/174530418576821.jpg
عزيزي_الله
كنت فاكر إن الفرصة اللي ضاعت دي كانت كل حاجة..
اتكسرت يوم ما راحت..
والحقيقة بكيت كتير وقلتلك: "ليه يا رب؟ كنت محتاجها!"
عدّت الأيام وعيشت اليوم بيومه بس كان الإحباط باين على وشى..
وفجأة لقيت بين إيديا فرصة تانية خالص..
مكنتش بدوّر عليها ولا حتى كنت بحلم بيها..
بس الغريب إنها لمست قلبي أكتر من اللي راح..
وقتها بس فهمت إنك ماقفلتش باب..
إلا وكان في إيدك مفتاح لباب أوسع..
وإني مهما كنت شايف خساير..أنت شايف ترتيبات..
مش دايمًا بعرف أربط النقط..
ومشاعرى بتسيطر عليا ودموعى بتبقى سبقانى..
بس دايمًا بلاقيك ورا كل مشهد بتجهز لي وقت مناسب
وهدية على مقاسي..
أشكرك يا رب إنك سامعنى وشايفنى..
علمتني أثق فيك حتى وأنا مش فاهمك..