منتدى الفرح المسيحى - الست بتحوش عند جوزها

الست بتحوش عند جوزها
بتحوش عنده
( احترام - مهابه - تقدير - احتواء - تفاهم -
صوت هادى - حنية قلب - رحمه -
مساعدة و معونه - احترام لأهله -
وسيب القوس ده مفتوح
و حط فيه باقى الحاجات الحلوة اللى بتحوشها الست عند جوزها .........
يقوم جوزها يصرف عليها من اللى هى أصلاً محوشاه عنده
-والصرف هنا مش مقصود منه فلوس
- ( هيصرف عليها اهتمامه -
مشاركته الحاجات اللى بتفرحها - كلامه الحلو
- رغبته ليها - شغفه وحبه المستمر
- وسيب كمان القوس ده مفتوح ...
العلاقه اللى فوق دى تبادليه و الطرفين مسئولين عنها ☝️
يعنى الست اللى هتفضل تحوش
و جوزها مابيصرفش هييجى وقت و تزهق و يمكن تبطل تحوش
والراجل اللى هيفضل يصرف
و مراته مش بتحوش هييجى وقت و يفلس
و مش هيلاقى حاجه يصرفها
البيت اللى فيه ست بتحوش كتير و زوج بيصرف
من اللى مراته حوشته بيت هيبان عليه : علامات الغنى و الشبع 🤚