منتدى الفرح المسيحى - بإختصار كده طوبى للرحماء بجد ❤️

بجد طوبى للرحماء على المساكين
ومش كل الرحمة مُساعدة مادية أو عينية
و مش كل المساكين إحتياجهم أكل و شرب و كسوة 🤚
فى مساكين محتاجين يتستروا
ومايتقلِّبش فى ماضيهم
طوبى للرحماء اللى لما جات سيرتهم بالسوء
دافعوا عنهم بكل رحمة 🫷

فى مساكين مطحونين ومحتاجين اللى يلتمس ليهم العُذر
طوبى للرحماء اللى قالوا اكيد مش قصدهم يقصروا
كتر خيرهم .. التمسوا ليهم الأعذار بكل رحمة 🤌

فى مساكين مُحبطين وبيعافروا ..
عاوزين يكملوا و الإحباطات اكبر منهم ..
طوبى للرحماء اللى مقالوش كلام يزود احباطاتهم
ويمكن قالوا كلمات فيها تشجيع بكل رحمة 🥰

فى مساكين كلهم سلامة نيه و مافيش فى قلبهم شر .
. لكن فى اللى ساء بيهم الظن وكانت نظرتة ليهم بكل قسوة .
. حكم عليهم من الظاهر ..
طوبى للرحماء اللى نظروا للمساكين دول بعين بسيطة 😍

بإختصار كده : طوبى_للرحماء_بجد ❤️