منتدى الفرح المسيحى - تعالى نسمع بعض الأول

https://upload.chjoy.com/uploads/173763620518641.jpg

خليك_خادم_واعى
فيه نوع من الشباب بيحضر الإجتماع كل مرة ووشه بيضحك..
بس لو قربت منه شوية هتكتشف حاجة:
هو مش مقتنع أصلاً..
لا بالصلاة ولا بالعظات ولا حتى بوجود ربنا..
بس بييجي علشان يحس إنه مش لوحده..
الخطر؟
لما يتقال عليه "ده ناشف".."مش بيتغير".."مش بيستجيب"..
بس الحقيقة؟
اللي جوّه مش جفاف..ده عطش من نوع خاص..
عطش لحوار حقيقي مش إجابات جاهزة..

الخادم الواعي هو اللي بدل ما يقول له "إقعد واسمع" يقول له:
"تعالى نسمع بعض الأول."..
الخدمة مش عشان تحفظه آية..
الخدمة عشان توصل له إن فيه حد مش بيحكم عليه..
وحد مستعد يسمعه حتى لو مش متدين..