منتدى الفرح المسيحى - أنا عايز أعيش في حضنك

https://upload.chjoy.com/uploads/17395278857551.jpg

عزيزي_الله
أنا مش في أزمة..ومش واقف على القمة..
ماشي في النص بخُطى هادية بس قلبي مش دافي..
الصلوات بتتقال..بس مفيش لهفة..
الكلام عنك مش غايب..بس الكلام معاك قلّ..
مشاعر غريبة..
مش زعلان بس مش فرحان..
مش تايه بس مش لاقي حرارة الطريق زي الأول..
وأكتر حاجة مقلقاني..
إني اتعودت على الفتور..
ارتحت في النص ونسيت طعم البداية..
يا رب رجعلي لهفتي وناري..
وخوفي إني أكون قريب في الشكل وبعيد في القلب...
مش عايز أعيش على هامش علاقتى بيك..
أنا عايز أعيش في حضنك..