منتدى الفرح المسيحى - مهمتك تجهز اللي بعدك يكون أفضل منك

https://upload.chjoy.com/uploads/173763620518641.jpg

خليك_خادم_واعي
فيه خدام بيتعبوا جدًا..
مش من الخدمة لكن من فكرة إنهم "ما ينفعش يسيبوا مكانهم".
الخدمة بقت عبء مش بس علشان مجهودها..
لكن علشان في دماغه فكرة:
"لو مشيت الدنيا هتقع وهيقولوا إني قصرت."
الخادم اللي بيخاف يسلّم دوره..
اللي بيخاف يجهّز بديل له..
أوقات بيكون ناسي إن دي خدمة ربنا مش شركته الخاصة..

الخادم الواعي هو اللي بيشتغل على تربية ناس تكمل بعده..
مش يحافظ على الكرسي كأنه لقب..
مهمتك مش تثبت إنك الأفضل..
مهمتك تجهز اللي بعدك يكون أفضل منك..
ده مش خروج من الخدمة..
ده أمانة في الخدمة..