منتدى الفرح المسيحى - خليك شاطر وقوي

الناس الشاطرة بتعرف تساعد بعض،
مش عشان طيبين قوي…
لكن لأنهم فاهمين قيمة الشطارة،
وعارفين إن الدنيا مصالح رايحة جاية،
وإن اللي بيكسب فعلاً هو اللي بيعرف يشيل غيره،
مش يزقه.

إنما الضعاف…
اللي مش واثقين في نفسهم،
بيفكروا بطريقة تانية خالص.
بيشوفوا نجاح غيرهم تهديد،
ويتخيلوا إن لو زقّوك بره الصورة،
هيكسبوا هما الفتافيت اللي فضلت.
فممكن تلاقيهم بيقللوا منك،
أو يتكلموا عليك عشان يبانوا جامدين…
وهم من جواهم مرعوبين.

وفيه نوع نادر جدًا…
اللي بيساعدك “لله”
من غير مصلحة، ولا خوف، ولا قلق.
بس دول قِلّة.

علشان كده:
خليك شاطر،
وقوي،
ومتقلش احترامك لنفسك…
لأن في وسط الزحمة، الضعاف كتير.