منتدى الفرح المسيحى - كل داود محتاج يوناثان فى حياته

في وقت كان فيه داود هربان من غضب شاول،
ماكانش محتاج جيش…
كان محتاج صديق واحد بس يؤمن بيه،
ويفكّره إنه مش لوحده.
يوناثان ماكانش بس صديق،
ده كان الدرع اللي خبّى خوف داود،
وكان الصوت اللي شجّعه وهو ضعيف.
كل "داود" محتاج "يوناثان"…
حد يفتكرك وسط الزحمة،
يحبك من غير غيرة،
ويشوف اللي جوّاك قبل ما يظهر للناس.
الكتاب اتكلم عن العلاقة دي وقال :
"وكانت نفس يوناثان متعلقة بنفس داود، وأحبّه كنفسه"
(صموئيل الأول 18:1)

يا رب، إديني الصديق اللي يكون سند، مش منافس…
واستخدمني أكون "يوناثان" لحد تاني محتاج سند و حب بدون شروط.
♥️