منتدى الفرح المسيحى - لو ماكنتش إيدك قبلى يبقى كل اللي بعمله باطل

https://upload.chjoy.com/uploads/173943271170621.jpg

لتكن يدك قبل يدي يا رب
قبل ما أمد إيدي لأي حاجة في الدنيا،
قبل ما أقرر، قبل ما أتحرك، قبل ما أحاول…
خلي إيدك تسبقني، تمهد، وتفتح، وتحميني.

لأني من غيرك…
كل اللي بعمله بيضيع،
وكل السعي بيتحول لحمل،
وكل التعب ملوش طعم ولا معنى.

يا رب…
أنا مش عايز أمشي الطريق لوحدي،
ولا عايز أفرح بحاجة إنت مش فيها،
ولا أوصل لحاجة إنت مش باركتها.

لو ماكنتش إيدك قبلي…
يبقى كل اللي بعمله باطل،
وكل اللي ببنيه هش،
وكل اللي نفسي أوصله… مش هيكمل.

فلتكن يدك يا رب… قبل يدي.