منتدى الفرح المسيحى - كل اللي كان كحل فجأة هيبقى منور

https://upload.chjoy.com/uploads/169859141185951.jpg

هو دايماً بييجي في آخر لحظة…
مش عشان يتأخر،
لكن علشان يثبتلك إنك حتى لما تفقد كل حاجة، لسه هو كفاية.
لما تحس إنك وقعت في آخر بئر، وإن مفيش خيط أمل،
تيجي لمسة سماوية تغير السيناريو كله فجأة.

الرب مش بينسى، ومش بيغفل،
بس أوقات بيستنى اللحظة اللي فيها انت تبطل تتكئ على نفسك،
وتبدأ تبص له وتقول: “أنا خلاص… تعبت.”
وساعتها، النور بيكسر الضلمة كلها.

كل اللي كان “كحل” فجأة هيبقى “منور”،
وكل أبواب كانت مقفولة هتتفتح قدامك واحدة واحدة…
لأنك ساعتها هتعرف مين هو:
هو بتاع اللحظات الأخيرة… بس عمره ما اتأخر.