منتدى الفرح المسيحى - الوعي بيبدأ من لحظة صدق

إيه الحاجة اللي حاسس إنك متعلق بيها؟
وكل مرة تحاول تبعد… ترجع ليها تاني؟”
التعلّق مش بس بالأشخاص…
ممكن نتعلّق بمكان، عادة، فكرة، أو حتى ذكريات.
ومش دايمًا لأن الحاجة دي بتريحنا…
أوقات بنتعلّق علشان “متعودين” على وجودها…
حتى لو وجودها بيؤذينا أكتر ما بيخلينا نرتاح.
الوجع الحقيقي مش في البُعد…
الوجع في التكرار،
لما تِبعد وترجع، تِبعد وترجع،
وأنت عارف إن اللي بترجعله مش بيديلك اللي محتاجه فعلًا.
الوعي بيبدأ من لحظة صدق…
لحظة تقف فيها مع نفسك وتسأل:
أنا ليه ماسك في الحاجة دي؟
هل لأني بحبها؟
ولا لأني خايف من اللي بعدها ؟