منتدى الفرح المسيحى - خليك مع اللى دايمًا بيظبطها

https://upload.chjoy.com/uploads/173674633301731.jpg

سيبها تتفك من إيدك وتمدها بإيمانك لربنا…
لما تحاول ترتّب كل حاجة بعقلك، هتتعب…
بس لما تسيبها للي شايف الصورة كاملة،
هتندهش من جمال النتيجة.

ربنا شاطر في الترتيب،
بيبدّل الخسارة لمكسب،
وبيحول الألم لشفا،
وبيستخدم اللي كسرنا علشان يبنينا أقوى.

يمكن ترتيباتك منطقية، بس ترتيباته معجزية.
فـ خليك مع اللى دايمًا بيظبطها،
حتى لو كل حاجة حواليك ملخبطة،
لأنه بيشتغل في الهدوء… وبيفاجئك في الوقت الصح.