منتدى الفرح المسيحى - حقيقي يارب اثبتت الايام

https://upload.chjoy.com/uploads/172560804388591.jpg

هافضل مصدق انك وسط جفاف الحياه
في ورده حب بتدهاني
في حضن بتحضني بيه وسط تخبيط الدنيا
في لمسه فيها شفقه وسط الكلمات الصعبه
انت يارب القلب الأصيل اللي ماتخلاش عني وقت جفافي
انت الكلمه الحلوه اللي اتقالتلي وسط صراخي من ضغط الحياه
هافضل مصدق اني اتخلقت
علشان بس ابين حلاوه عشرتك وسط مليون عشره
شوفتها كانت مزيفه
وسط مليون عشره عشتها كانت أنانيه
وسط مليون عشره عشتها كانت مش ثابته
وسط مليون عشره عشتها كان الحب فيها حسب المود
انت يارب حبك كان ثابت ماتغيرش
محدش قدر يفهمني غيرك
محدش أتمسك بيا غيرك
عارف يارب مهما حصل انت الوحيد اللي مش هاقدر اقولك
كنت فين لما حصلي كذا وكذا وكذا
كنت فين لما احتاجت كذا وكذا
كنت فين لما ولما ولما
اثبتت الايام مش انت اللي يتقالك كنت فين
لكن الايام اثبتت انك كنت موجود لما كل اللي حواليا هما اللي كانوا فين اوقات تعبي وحيرتي
عارف يارب اتمني كنت اعرف وقت مجيئك
او اتمني كنت اعرف وقت لما اروحلك
علشان بس اقولك كلمه
(أنا بعد الايام اللي هاقابلك فيها )
حقيقي يارب اثبتت الايام انك
(ورده الحب وسط جفاف الحياه )