منتدى الفرح المسيحى - نبقى ايديك الممدوة

في كل حتة فيه سج.ون مليانة محبوسين 🧱
في مستشفيات فيها ناس ماحدش بيسأل عليهم 🏥
وفي دور مسنين فيها ناس بتعدّي عليها أيام
ومناسبات من غير ولا زيارة 👵🏻👴🏻
دا غير الملاجئ المليانة بأطفال ما يعرفوش شكل أهلهم،
لكن يعرفوا طعم الوحدة كل ليلة 💔

المسيح قالها ببساطة وقوة:
"عُرْيَانًا فَكَسَوْتُمُونِي، مَرِيضًا فَزُرْتُمُونِي، مَحْبُوسًا فَأَتَيْتُمْ إِلَيَّ"
(متى ٢٥: ٣٦)
كان بيكشف عن قلبه، وعن الناس اللي هو شايفهم،
ومستني كنيسته تشوفهم زيه ❤️

وهنا ييجي دور الكنيسة…
مش بس مكان فيه اجتماعات وكراسي!! 🏛️
وزي ما بنرنم بصوت عالي في الترنيمة ونقول:
"يكون لينا أحشائك، نبقى إيديك الممدودة" 🙌

الكنيسة الحقيقية مش بس بتنادي بالحب…
مش بس بتوعظ عن الرحمة…
هي بتبقى الرحمة، وبتتحرك بيها،
وتعيش بيها، وتحط إيديها في التراب

الكنيسة اللي مش شايفة يسوع في عيون المسجون واليتيم والمريض…
محتاجة تراجع دعوتها بصدق.