منتدى الفرح المسيحى - اخلاق تايهة يا ولاد الحلال

اخلاق كانت عايشة جوه كل بيت ، تاهت يا ولاد الحلال ..
قالوا شوفوها فى شارع كبير مشهور "شارع التدين المزيف" :
فيه كله بيدعى ربنا بصوت عالي .. و لقينا نفس الناس هناك بتشتم بعض
، و بتسرق من بعض ، و بتتمني الشر لبعض ،
و بتدعى علي كل غريب بالفناء و الخرا**ب ..

دخلنا "شارع التعليم المزيف" .. لقينا كله بيغش من كله ،
و كله عاوز شهادة كده و كده ، يشتغل بيها و يعمل " ابو العريف" ..

دخلنا "شارع العز و الجاه و الفلوس" ..
كله بيتعنطظ علي كله ، و يبص بقلة قيمة للى داخل من بره "الفقران ، العيان "

فين و فين ، دخلنا "حارة الضمير" ، لقيناهم كلهم امناء ، شرفاء ..
علي وجههم عرق الكد ، كلمتهم واحدة ، بيحبوا بعض ،
ما بتطلعش العيبة منهم ، كلهم شهامة و جدعنة
و احترام للصغير قبل الكبير و للغريب قبل القريب ..
لقينا "الاخلاق" ساكنة هناك ..
و قالت "سيبونى مرتاحة هنا ، و اللي عاوزنى ييجى يسكن معايا هنا "