منتدى الفرح المسيحى - الوحيد اللي يعرف يصنع من العدم، حاجة مش ممكن تخطر على بالك

الطبيعي في علم النفس إن شخصيات زي يوسف أو موسى..
( وناس كتير غيرهم في الكتاب المقدس)
اللي عاشوا طفولة صعبة ومؤلمة،
تطلع شخصيات غير سوية، ومعقدة، وتحتاج سكة شفاء طويلة ...
ده علم النفس اللي بيقول كده!📝

لكن لما الشخصيات دي اتحطت في إيد رب المجد…
عرف يطلع منها عظائم...

موسى..
يطلع منه، قائد شعب، وعلى إيده تمت آيات وعجائب🌊

يوسف..
يطلع منه، أعظم رجل في مصر
، اللي عرف ينقذ مش بس شعبه…ده أنقذ العالم كله من الجوع!🌾

أنا وإنت محتاجين أوي
نحط ماضينا بكل ما فيه بين إيدين السيد،
مهما كان شكله أو تقله…

لأنه هو الوحيد اللي يعرف يصنع من العدم،
حاجة مش ممكن تخطر على بالك.

"فَفَسَدَ الْوِعَاءُ الَّذِي كَانَ يَصْنَعُهُ مِنَ الطِّينِ بِيَدِ الْفَخَّارِيِّ،
فَعَادَ وَعَمِلَهُ وِعَاءً آخَرَ كَمَا حَسُنَ فِي عَيْنَيِ الْفَخَّارِيِّ أَنْ يَصْنَعَهُ."
إرميا ١٨: ٤