منتدى الفرح المسيحى - لو كنت بتخدم بنات

https://upload.chjoy.com/uploads/175175709957921.jpg

"لو كنت بتخدم بنات…
اقرأ الموضوع ده بقلبك قبل عينك!"
لو كنت بتخدم بنات،
افتكر إنك مش بتتعامل مع عدد في كشف…
إنت بتتعامل مع قلوب هشة، وأرواح لسه بتتشكل.
💔 في بنت ممكن كلمة منك تكسرها…
💬 وممكن كلمة تانية تبنيها وتشفيها.
👑 في بنت جايّة من بيت مفيهوش حضن…
ومتوقعة تلاقيه في الكنيسة، مش تسمع كلام جارح.
🙅‍♀️ في بنت بتضحك بس من جواها بتصرخ…
عايزة حد يصدقها ويسمعها من غير ما يحكم عليها.
✋ لو كنت بتخدم بنات… متنساش:
أنت قدوة من غير ما تتكلم.
عيونك محسوبة.
نبرتك بتطبع.
وتصرفك بيتنسخ في حياتهم من غير ما ياخدوا بالهم.
❌ الخدمة مش هزار… ومش قعدة… ومش استلطاف! ✅
الخدمة نار مقدسة…
وكل بنت بتخدمها دي وديعة عندك من ربنا…
ولو أذيتها بكلمة، أو خيبت أملها، أو كنت سبب في جرحها…
ربنا هيحاسبك!
📖 وَمَنْ أَعْثَرَ أَحَدَ هؤُلاَءِ الصِّغَارِ الْمُؤْمِنِينَ بِي
فَخَيْرٌ لَهُ أَنْ يُعَلَّقَ فِي عُنُقِهِ حَجَرُ الرَّحَى وَيُغْرَقَ فِي لُجَّةِ الْبَحْرِ." (مت 18: 6)
لو كنت بتخدم بنات…
خدمتك محتاجة قلب نقي أكتر من لسانك،
وعين طاهرة لاتقل اهمية عن تعليمك،
وودن بتسمع قبل ما تبشّر.