منتدى الفرح المسيحى - 🙇‍♂️ خدمة المفقودين

هو فين؟
كان بيقعد على أول دكة...
كان صوته حلو في التسبحة...
كانت عنيه بتنور أول ما يدخل الاجتماع...
وفجأة... اختفى.
مبقاش بييجي.
محدش سأل.
وهو قال في سره:
"واضح إني مش فارق..."
💔 بس الحقيقة إنه غالي قوي...
غالي عند ربنا اللي قال:
🌟«أَيُّ إِنْسَانٍ مِنْكُمْ لَهُ مِئَةُ خَرُوفٍ، وَأَضَاعَ وَاحِدًا مِنْهَا،
أَلاَ يَتْرُكُ التِّسْعَةَ وَالتِّسْعِينَ فِي الْبَرِّيَّةِ، وَيَذْهَبَ لأَجْلِ الضَّالِّ حَتَّى يَجِدَهُ؟ (لوقا4:15 )
وربنا بيبصلي أنا وإنت ويقول:
"هتيجي معايا؟ ندور عليه سوا؟"
🙇‍♂️ خدمة المفقودين .. دي إحساس!
تحس إن في حد ناقص…
فتقوم وتروح تدوّر عليه.
مش علشان تكمّل العدد،
لكن علشان دي نفس ممكن تموت لو فضلت بعيدة.
⛪ افتقاد مش بس زيارة
افتقاد يعني تفتح قلبك قبل ما تفتح الباب
تسمع أكتر ما تتكلم
تحس بوجعه… قبل ما تفكّره بخطأه
🕊️ افتقاد يعني تقول بصوت السيد المسيح:
"أنا جيتلك مخصوص… علشانك أنت"
"مكانك لسه فاضي… وإنت وحشتنا بجد"
"الكنيسة مش كنيسة من غيرك"
🙏 صلي قبل ما تروح
واطلب من ربنا يقولك:
هو فين؟
وتقول له زي إشعياء:
👆 ثُمَّ سَمِعْتُ صَوْتَ السَّيِّدِ قَائِلاً: «مَنْ أُرْسِلُ؟
وَمَنْ يَذْهَبُ مِنْ أَجْلِنَا؟» فَقُلْتُ: «هأَنَذَا أَرْسِلْنِي». ( إشعياء8:6 )
✝️ وأوعى تفتكر إن اللي بيرجع بيرجع بكلامك...
ده بيرجع بدموع صلاتك
وبنور السيد المسيح اللي شايفه فيك