منتدى الفرح المسيحى - خليّني يا رب لهيب نارك

#عزيزي_الله
أنا مش عايز أبقى خادم بعافية..
ولا مجرد حد بيكمّل عدد في اجتماع..
أنا عايز أبقى من الناس اللي بتولّع نار جوا غيرهم..
اللي حضورهم بيشعل اشتياق..
اللي كلامهم مش محفوظ لكنه خارج من قلب مليان بيك..
بولس الرسول فى رسالته لعبرانيين قال "وَخُدَّامَهُ لَهِيبَ نَارٍ
" (عب 1 : 7)..
أنا عايز أبقى من خدامك اللى عبارة عن لهيب نار..
أينعم أنا ساعات ببقى رماد ساكت ومطفي..
أو يمكن بشتغل كتير بس من غير حرارة..
بس بطلب منك إنك تملاني بروحك يا رب..
خلّي نارك تسكن في كلمتي في نظرتي في لمستي..
ما تسمحليش أتحرك من غيرك..
ولا أخدم وأنا ناسي مين اللي أرسلني..
خليّني يا رب لهيب نارك..