ليه متضايق ليه ومكشر
 

ليه متضايق ليه ومكشر
ليه دايما عايش متضرر
ليه دايما تنسي اللي ف ايدك
وع الأحزان عمال بتدور

ليه زعلان من كل ظروفك
وبتهدم حلمك من خوفك
ليه فاكر نفسك وحداني
كام واحد يتمني يشوفك؟!

ليه بتقول ع الدنيا قويه
و ف ايدك تكسرها ف ثانيه
ومزود ع الكتف حمولك
و بتفتح ف جراح منسيه

ليه بتفكر ليه في الماضي
وبتحرق دمك ع الفاضي
اللي يفوت اتعلم منه
وعيش الجي ف عمرك راضي

ليه احزانك ماليه حياتك
وبتسرق اسعد اوقاتك
عيش اللحظه وارمي حمولك
وبطل بقي تقليل من ذاتك

كل اللي بيحصل له حكمه
و حياتك ليها اكبر لازمه
لون شكل الكون بعيونك
وبأحلامك ارسم رسمه

ليه ناسي الهنا اللي خلقنا
مش ممكن ابدا ينسانا
وف ايده مصيرنا و حياتنا
دايما خطوه بخطوه معانا

سلم لله كل أيامك
وأفرح انك مسنود بيه
قوللوا يارب اديني سلامك
†_†




https://fbcdn-sphotos-g-a.akamaihd.n...69701055_n.jpg

رد: ليه متضايق ليه ومكشر
 

ليه احزانك ماليه حياتك
وبتسرق اسعد اوقاتك
عيش اللحظه وارمي حمولك
وبطل بقي تقليل من ذاتك


موضوع راائع

رد: ليه متضايق ليه ومكشر
 

ميرسى على مشاركتك الجميله

رد: ليه متضايق ليه ومكشر
 

شكرا يا رشا
يه متضايق ليه ومكشر