منتدى الفرح المسيحى - النميمة مش صراحة النميمة سكين

"أنا بفضفض بس"...🤷‍♀️
"أنا مش قصدي أتكلم عليه"...
"دي بيني وبينك ومش هتطلع لحد"...😉
جُمل شكلها بريء… بس الحقيقة غير كده..
كل كلمة بتتقال في ضهر حد، ومش قادر تقولها في وشه…🤭
كل كلمة سلبية بتتنقل من واحد للتاني
تحت عنوان "حبايب" أو "مشاركة"…
اسمها الحقيقي: نميمـــــة.
النميمة مش رأي…
النميمة مش صراحة…
النميمة سكين ❗
بنغرسه في شخص مش موجود يدافع عن نفسه..
"لاَ تَخْرُجْ كَلِمَةٌ رَدِيَّةٌ مِنْ أَفْوَاهِكُمْ
، بَلْ كُلُّ مَا كَانَ صَالِحًا لِلْبُنْيَانِ، حَسَبَ الْحَاجَةِ،
كَيْ يُعْطِيَ نِعْمَةً لِلسَّامِعِينَ." (أف 4: 29)📖❤