منتدى الفرح المسيحى - ربنا ما بيبعدش عن اللي وقع وما بيقفلش الباب في وش اللي غلط

‏محدش فينا بيحب الغلط
ومع ذلك… بنقع فيه

مش لأننا بنستسهل
ولا لأننا ما عندناش ضمير
بس علشان إحنا بشر
ضعاف أوقات
ومتلخبطين أوقات
وموجوعين أوقات

أوقات الغلط بييجي وإحنا بندوّر على حضن
أو على مهرب
أو على أي حاجة تطفّي اللي جوا القلب

أوقات بنكون عارفين إن ده غلط
بس بنقع فيه برضه
‏علشان الاحتياج بيكون أعلى من الإدراك
والجرح بيبقى أعمق من قدرتنا على المقاومة

بس اللي بيطمن
إن ربنا ما بيبعدش عن اللي وقع
وما بيقفلش الباب في وش اللي غلط

لأنه عارف ضعفك
وشايف نيتك
وعارف إنك مش بتبرر… لكن بتصارع

المهم
ماتعش في الغلط
ولا تحبسه جواك
قوم
واتكلم مع ربنا بصراحة
‏وقوله:
“أنا مش حابب اللي عملته
ساعدني ما أرجعش ليه”
وده كفاية… علشان يبدأ الشفا