منتدى الفرح المسيحى - مش مهم التبرير

مش مهم التبرير،
لإني مش مطالب أشرح كل خطوة بخدها في حياتي…
طول ما أنا متأكد من نية قلبي،
ومن صحة اللي بعمله،
مش فارق معايا تفسيرات الناس ولا ظنونهم.

مش دايمًا اللي قدامك هيفهم قصدك،
ومش لازم تحرق أعصابك علشان تقنعه،
لأن اللي بيحبك بجد،
هيشوف نيتك حتى من غير كلام.

واللي بيحب يسيء الظن…
صدقني مش هينفع معاه لا شرح ولا توضيح،
هو واخد قرار من الأول إنه ما يفهمكش،
بس يحكم عليك!

عيش حقيقتك،
وخلي اللي يهمك في الدنيا صوت ربنا جواك،
مش تسقيف الناس،
ولا رضاهم المؤقت اللي بيتغير مع كل موقف.

عيش مرتاح…
وسيبهم هما يتعبوا في التحليل والتفسير!