منتدى الفرح المسيحى - 🥰 القوي الانبا موسي 😍

🥰 القوي الانبا موسي 😍
الوحيد في القديسين اللي الكنيسة بتديله لقب " بي جوري " يعني" القوي " ومش معناها القوة الجسدية لكن قوته الروحية في توبته وجهاده ضد حروب الشياطين
سهل ان الواحد يسيب خطية لكن الصعب ان الشيطان ميوقعناش فيها تاني
هل تفتكروا الشياطين سابت الانبا موسي كدا ؟ طبعا لا اكيد كانت تفكره بخطاياه ولذاتها علشان توقعه تاني
لكن هنا يجي دور الجهاد الروحي ضد محاربات عدو الخير واصرار واكيد كان فيه حاجة جواه بتقوله " انت مش ممكن تقع تاني " واكيد سندة ربنا ليه ❤️
منقدرش نتكلم عن الانبا موسي من غير م نتكلم عن الانبا ايسيذوروس مرشده الروحي وقد ايه كان يقبله ويسنده ويعزيه ويعلمه ويرشده ❤️❤️
الانبا موسي قبل م يتوب كان بيطلب انه يعرف مين هو الاله الحقيقي وجاله الرد بسرعة وبعد توبته كان بيطلب من ربنا انه يسنده ف حروبه ضد الشياطين وفعلا كان قوي بربنا😍
حكاية انبا موسي هي حكاية أمل لينا ، حكاية لكل واحد مش نافع في نظر نفسه او نظر الناس لكن بطلبة بسيطة يقدر يكون نافع في نظر ربنا ❤️🌹🥰