منتدى الفرح المسيحى - شكّلني في المحجر حتى لو ما حدش شايف⚒️

في قصة بناء الهيكل، في آية ممكن تعدي كده
، بس هي مش عادية 👌

وَقَطَعَ العُمَّالُ الحِجَارَةَ فِي المَحَاجِرِ.
فَلَمْ يَكُنْ فِي الهَيْكَلِ صَوْتُ مَطَارِقَ أوْ أزَامِيلَ أوْ أيَّةِ أدَوَاتٍ حَدِيدِيَّةٍ."
(١ ملوك ٦:‏٧ - الترجمة العربية المبسطة)

الحجارة كانت بتتشكّل وتتجهز بعيد عن مكان الهيكل…
برا المشهد… في المحجر!! 🧱

دي مش مجرد معلومة مكتوبة وخلاص،
أوقات كتير دي بتبقى طريقة ربنا في الشغل!!

هو بيبني الكنيسة – مش من فوق المنابر بس – لكن من المحاجر.
من الأماكن اللي فيها تشكيل... بس من غير جمهور👥

أنا وإنت وإنتِ...
كل واحد فينا حجارة_حية
بس الحجر ده ما بيتثبتش في مكانه
غير لما يتنحت كويس، لما يعدي في الصعب 🪨

الكنيسة اللي ربنا بيبنيها،
مش دايمًا باينة في الصور🏫
لكن باينة في اللي اتنحتوا في الخفا..

أنا نفسي أعيش كده..
عايز أقولك:
شكّلني في المحجر، حتى لو ما حدش شايف⚒️
استخدمْني حجر في هيكلك، حتى لو شكلي مش لامع🌟
خلّي قلبي يرضى بالتجهيز… قبل ما يدور على شكله اللي بره💜