منتدى الفرح المسيحى - إحنا مستنيين لمسة من يدك تمسح سنين الوجع

https://upload.chjoy.com/uploads/175104814200621.jpg

بنحط تعب السنين بين إيديك يا رب، مافيش تعب بيضيع عندك.

بنحط كسرنا، وسكتنا، وخسايرنا اللي وجعتنا ومحدش حس بيها.
بنحط لحظات الندم، ولحظات الرجوع،
ولحظات ضعفنا اللي خبتها ضحكتنا وسط الناس.

وبنطلبك…

تعوّضنا مش بمجرد بديل،
لكن بحاجة ترد الروح لقلوبنا.
بحاجة تخلي اللي فات كله له معنى،
وتخلينا نبتسم وإحنا بنبص ورا ونقول: “
كان لازم نعدّي بكده، علشان نوصل لهنا.”

إدي لكل قلب سجد ليك وهو موجوع،
فرح ملوش نهاية
وطمأنينة تخلي الوجع يبقى مجرد ذكرى، مش سجن.

إحنا مستنيين مش بس عوض،
إحنا مستنيين لمسة من يدك
تمسح سنين الوجع،
وتقولنا: “أنا كنت شايف، وكل حاجة جاية على قدّ صبرك.”