منتدى الفرح المسيحى - واثق إنك مش بتنسى ولا بتعدّي حاجة

يا رب،
في وقت بيعدّي عليا بحس إني لوحدي…
بقول: هو كل ده راح على الفاضي؟
هو اللي بعمله ليك محدش واخد باله؟
هو الخير بيتنسى؟

بس لما بفتكر إنك مش ظالم…
بتهدى روحي.

إنت شايف كل حاجة،
حتى التعب اللي ما اتقالش،
والمحبة اللي ما اتقدّرتش،
والدمعة اللي نزلت في الخفاء.

إنت ما بتنساش…
مش زي الناس اللي تنسى بسرعة،
ولا زي العالم اللي بيشوف الظاهر بس.

يا رب،
خليني أشتغل ليك بإخلاص،
حتى لو محدش شاف،
لأني واثق إنك مش بتنسى،
ولا بتعدّي حاجة من غير ما تباركها في وقتها.