منتدى الفرح المسيحى - حط في طريقنا اللي يفرح قلبنا

عزيزي الله…
إحنا مش دايمًا بنعرف نختار،
ومش دايمًا بنفهم الخير من أول الطريق.
بس انت… شايف وعارف وحنين.

فاحط في طريقنا اللي يفرح قلبنا،
اللي لما يدخل حياتنا نعرف إنك استجبت لدعوتنا من زمان.
اللي حضوره في يومنا يبقى سبب أمان مش قلق،
وسند مش خذلان، وفرحة مش وجع.

ابعِد عنّا اللي وجوده بيكسر،
وبيعلّم في الروح ندوب مش بتروح.
وادينا نعمة نفرّق…
وجرأة نختار اللي يليق بينا كأولادك.