منتدى الفرح المسيحى - خليني أخدمك من جذر ثابت

يا رب..
أنا ساعات بحس إني بعمل كل حاجة بس مش عارف أنا فين..
بخدم هنا وهناك وبرتب اجتماعات..
بس لما بقعد مع نفسي بحس إني تايه..
مش عارف أنا بخدم مين؟ ولا ليه؟
ولا حتى إيه اللي المفروض أركّز عليه..
فبينتهى بيا الحال إنى بقيت مشتّت..
قلبي مشغول بزيادة فمش فاضي ليك..
علّمني أقول لأ للتشتت..
وأقول نعم لسكينة قلبى فيك..
وجّهني لدعوتي الحقيقية..مش للأدوار اللي شكلها حلو من برة..
خليني أخدمك من جذر ثابت..مش من فروع مهزوزة..
آمين..